Teny iditra amena
Sokajin-teny   anarana
Famaritana malagasy   Teny hebrio izay fahita amin' ny fiafara [...] [tohiny Rajemisa 1985]
Ohatra  
1Vita ny Amena, dia tapitra ny ainy. [Rabary: Daty, takila 208]
2Ary ravehivavy hanao hoe: Amena, amena. [Baiboly: 4.5.22]
Voambolana  

Teny iditra Amena
Sokajin-teny   anarana (lohatenin-tononkalo)
Mpanoratra   Raoely James
  
Tsy avona akory no mitondra
iny rahona iny hisavoana,
Fa mba toa azy koa ny foko,
maniry hisondrotra ambony!

Tonga ny taona vaovao
mitondra hira mavokely
hokaloin'ny voron'alina,
sombinaiko ô, mifohaza!

Avelao ny alahelo sy ranomaso
hoentin'ny reniranom-panadinoana,
Fa misy kintana iray baliaka
toy ny masonao diavolana,
hitarika antsika ho teraka indray
ao amin'ny fanantenana vaovao.

Amin'ny tany triatran'ny ririnina
no hamelatra indray ny voninkazo.

Sombinaiko ô, iriko ho anao
taona iray feno hanitra sy hira.
Iriko ho anao lanitra menafify
hampialona ny laoranjy masaka,
sy feon-dokanga mihararetra, miakatra
toy ny vavaky ny ankizy hatory.
Iriko ho anao ny fotoana mamy
hiverenan'ireo lasan-davitra;
ary ny tanana iray malefadefaka
hitondra safosafo eo an-dohanao
mivesatra ny onjan'ny tany.

Dia hiarahantsika manandratra
Ny Amena fiton'ny fitiavana .
Voambolana  
Tsanganana sy sary iray takila   Ny lohateny rehetra

Nohavaozina tamin' ny 2016/08/22