Teny iditra embona
Sokajin-teny anarana
Famaritana malagasy fahatsiarovana amin' alahelo olona na zavatra (toy ny tanàna na tany) noho ny fitiavana: Anisan' ny fihetseham-po mamelovelo so am-pony embona ny tanindrazana
Mitovy hevitra: hanina [Rajemisa 1985]
Famaritana anglisy sigh [Winterton: Rakibolana]
Famaritana frantsay regret
¶ soupir poussé en songeant à une personne ou à un objet chéri, absent ou perdu [Abinal 1888]
Ohatra 
1Hita mifaritra mazava ny azy ny embona. [Rajemisa: Fiteny 4, takila 48]
2Tsy tana ny embona : " Vitsika momba kitay, hoy Jean Narivony, ka manimanina ny any aminay! [Ravelomanana: Lalana, takila 64]
3Izay no voalohany nandehanan' ny sainy tany amin' i Sahondra, dia ohatra ny nisy embona nifangaro hatezerana nibosesika tao am-pony. [Andriamalala: Taolambalo, takila 66]
Voambolana 
Sampanteny 
Kamban-teny, lohateny, anarana 

Teny iditra embona
Sokajin-teny anarana
Famaritana frantsay  [Tankarana] flotter [David 1952 (takila E)]
Sampanteny 

Teny iditra Embona
Sokajin-teny anarana (lohatenin-tononkalo)
Mpanoratra Razafindrafidy Bien-Aimé
 
Midona malefaka ery Ankaratra,
vaky tsipelana ny eny Anjafy.
Midona kanefa tsy fahavaratra,
fa erika kely no re mifafy.

Lanitra soa, tomarataratra,
otronin'ny rahona mitsitoko,
kanefa, ry lahy, iry Ankaratra
zary manjombona sy manjoko.

Ankaratra ô! nahoana kosa,
manembona ve ilay nisaraka,
ka ny tolokony miavosa
eo aminao no te-hiraraka?…

Raha manina izy ka mitomany,
lalim-pisento fa te-hiverina,
asaivo mitony hangina ihany
fa toraka izany'lay eto Imerina!

Ny sentom-pony raha tonga fatra
- ka indro mandrotika ny fanahy -
aoka hionona fa ny ratra
iombonako aminy lavitra ahy!

Tsy oram-baratra no midona, fa
fo feno hanina no miteny,
ka ny vetsom-panahiny kely foana
tsy sasa-mivezika sy manjeny.

Eny, ry rahona ery Ankaratra!
ry rahona fotsy iaraha-mijery,
meteza ianao mba ho fitaratra
hampita ny sarin'ilay miery.

Vaky tsipelana ve Anjafy
ka tsy hidoboka iry Ankaratra?
Raha izy misento ka mafimafy,
ny foko no toy ny latsaham-baratra!
Voambolana 
Tsanganana sy sary iray takila Ny lohateny rehetra

2018/10/24