Teny iditra farany (fara, -ny)
Sokajin-teny tambinteny [fitanisana]
Fandikana anglisy finally [Richardson 1885]
Fandikana frantsay enfin, en un mot [Abinal 1888]
Kamban-teny, lohateny, anarana 
Ohatra Farany dia tonga ry zareo. [Ravelomanana: Lalana, takila 87]

Teny iditra farany (fara, -ny)
Sokajin-teny anarana na tambinteny
Famaritana malagasy Aoriana indrindra amin' ny laharana, amin' ny fanadinana na fifaninanana: Ny Desambra no volana farany amin' ny taona ~ I Naivo no farany tamin' ny fanadinana tao [Rajemisa 1985]
Fandikana anglisy The end, the last, the conclusion, the extremity, the close. [Richardson 1885]
 the end, a limit [Hallanger 1973]
Fandikana frantsay la fin d'une chose, le bout, la termisaison
¶ dernier [Abinal 1888]
Mpanahaka  farana
Ohatra 
1ho tsara farany hianareo! [Callet: Tantara, takila 941]
2Tsinjony fa efa akaiky ny farany. [Rajaonarivelo: Bina, takila 83]
3Betatao, farany Merina amoron' ala; [Callet: Tantara, takila 667]

Teny iditra Farany
Sokajin-teny anarana (lohatenin-tononkalo)
Mpanoratra Razakandraina Jean Verdi Salomon
 
Gina aho, eny tankina fa tsy nino hatramin'ny farany...
Mbola nihevitra ny hahazo hiady amin'ny fahafatesana!
Indrisy! tafahoatra ny heriko ny hangidin'ny fiharany ;
Eny! hankaiza aho anefa? Lahatra tsy ifandrefesana!

Tapitra fitepo hatreo ny fonao tia, rahavako...
Vata-mangatsiaka indrisy! sisa fihiniko eto an-tratra;
Eny! iky izany ianao ka ho afoin'ny fitiavako!
Ho banga anao ny fiainako, ô famoizana mahantra!

Mamaivay ny ranomaso : fahoria-mamelively...
Torovana sy fanina aho misaina ireo kamboty kely
Sy ny akany ho foana anao, tsy hahita anao intsony! ! !

Tsy foiko ianao hisaraka amiko, ry malala mamanara...
Nefa ho aiza aho fa resy anatrehan'ny Anjara!
Raiko ô, mangidy izao! Ny alaheloko onony!
Voambolana 
Tsanganana sy sary iray takila Ny lohateny rehetra

Nohavaozina tamin' ny 2020/07/31