Teny iditra gararàka
Sokajin-teny   anarana
Famaritana malagasy   (Arabo gargara) rano madio na misy fanafody akobakobana sy ahontsankontsan' ny tenda ao anatiny ao mba hanadio azy na hitsaboana ny faritra marary ao, dia aloa, ary averimberina toy izany araka izay fiasan' ny fanafody. Ny ntaolo dia efa mampiasa azy: raha misy mangarakaraka ny tendany, na misy mangirifiry, na mivonto, ets. dia manao gararàka amin' ny ranontsira izy, na ranom-boasarimakirana sy tantely, na rano mafana nasiana intelo na inefatra mitete.
Ny fampiasan' ny doktera dia arakaraka izay fahitany ny toetr' aretina. Matetika dia ranomafana tsotra izao, na haroana fanafody acide borique, na ny tsaratsara kokoa dia ireto zavatra efatra ireto afangaro: borate de soude 20/1.000 sy eau oxygénée à 10 volumes 200cc sy borate de soude 5gr sy alcool de menthe 50 gr ary rano voasitily iray fitatra. Raha mbola tsy mahatsara dia tokony hoenti-manatona doktera sao dia aretin-tenda ilàna famonjena faingana. [Ravelojaona: Firaketana]
   fanaovana rano an-tenda mba hanasana ny [...] [tohiny Rajemisa 1985]
Dikanteny anglisy   gurgling in the throat from a gargle. [Comp. Ar. gargara.] [Richardson 1885]
Dikanteny frantsay   gargarisme, glouglou [Abinal 1888]
Voambolana  
Ny fihaviany   Arabo: gargara.
Kamban-teny, lohateny, anarana  

Nohavaozina tamin' ny 2015/04/18