Teny iditra indro
Sokajin-teny   tenim-piontanana [firaketana]
Famaritana malagasy   Enti-manondro olona na zavatra tokana eo [...] [tohiny Rajemisa 1985]
Dikanteny anglisy   behold! Lo! Here! This is it! See indry. [Richardson 1885]
   behold! look! there he (she, it) is! [Hallanger 1973]
Dikanteny frantsay   le (la) voilà [Hallanger 1974]
Ohatra  
1Indro ny volanao. [Andraina: I Vola, takila 77]
2Indro avereno izy! [Rahajarizafy: Kabary, takila 129]

Teny iditra Indro
Sokajin-teny   anarana (lohatenin-tononkalo)
Mpanoratra   Razakandraina Jean Verdi Salomon
  
Indro ny Zanakavavin’ny Alina
Hiroboka anatin’ny Lanitra lalina…
‘Ndeha handro izy iny…

Ny volony lava toa setroka oly,
Ny maso baliakany toa hanangoly…
Mandrendri-bahiny!…

Mba mahina angaha sao misy mahita
Ka miherika im-polo…, kinanjo eny am-pita
dia indro tokoa…

Ingahy masoandro misalotra mena
malaina handao an’ity fijerena
An-dRavolana soa!…

Dia indro fa nihaona ny masony roa
Ka menatra indrindra Ravolana soa
Noraisiny haingana

‘lay rahona kely mba sendra nandalo
ho enti-manafy an’ity tena mimalo
tsy ho hita mivaingana…

Nandrasany teo ny hiangan’i Mazava…
Vao ‘zay izy sahy nampiseho ny tava!
…Dia tena nitranga!

Nisosa malako, nandeha nilomano
namaky ny ony ‘zay manganohano:
Ny lanitra manga!
Voambolana  
Tsanganana sy sary iray takila   Ny lohateny rehetra

Nohavaozina tamin' ny 2016/08/24