Teny iditra Madagasikara
Sokajin-teny   anaran-tsamirery (haitany) [firaketana]
Famaritana malagasy   Anglisy sy frantsay "Madagascar": izany no nogasiana hoe Madagasikara. Araka izany, ny fanononana sy fanoratana azy dia tokony hatao hoe Madagaskar. Anefa nony anaovana tononkalo izy hita fa mety ny asiana ny litera I eo amin' ny vakiteny fahefatra sy A eo amin' ny farany, ka dia tonga hoe Madagasikara izy. [Ravelojaona: Firaketana takila 272/4]
   Madagascar [3.1]
   Madagaskar [Bergenholtz 1991]
Voambolana  
Tsipelina hafa  
Fitovian-keviteny   bokiny ~ dago
Teny nalaina  
Fifanahafana   Bokiny ~ Dago ~ Kiera-be ~ Madagascar ~ Madagaskar
   Madagasikara: Kôntinantan' ny Malagasy
Sary  

Teny iditra Madagasikara
Sokajin-teny   anarana (lohatenin' boky na teatira)
Zana-dohateny   Ilay nosy mbola nahatahiry ireo lovany mandraka ankehitriny
Mpanoratra   Bakke Jon Erik, Randrianirina Philippe, Razafimamdimby Andriamanohisoa
Habeny   Takila: 48.
Voambolana  
Tsanganana sy sary iray takila   Ny lohateny rehetra

Teny iditra Madagasikara
Sokajin-teny   anarana (lohatenin-tononkalo)
Mpanoratra   Razakandraina Jean Verdi Salomon
  
Mihira anao avokoa, ô ry Madagasikara,
Ny alanao mikirindro L ny ravinala sy akondro,
Ny ravintsara sy rofia, ny tanety tsy hita fara,
Ny tendrombohitra efa konka, lanin-driaka, efa mondro.

Mihira anao izy ireny! Fa izay tsy hita intsony
Ary tsy ahitan-teny dia ireo tanàna fahizay
Lasa haolo, anaty vero, matory fahizay ka tony
Ao anaty hadivory, misaona toa mangaihay.

Miova lasy ny tanàna, mamonjy ireo toeran-donaka !
Eny an-dohasaha indray no misy setroka midonaka,
Ary eny ny korana, miravoravo fahavokarana…

Miova endrika izy ireny ary mbola hiova endrika
Hahitana fiezahana ho amin'ny fonena-mendrika !
Andro vaovao izao fa ny lasa dia nifarana...
Voambolana  
Tsanganana sy sary iray takila   Ny lohateny rehetra

Nohavaozina tamin' ny 2016/08/20