Teny iditra Razakandraina: Feo mahery
Sokajin-teny anarana (lohatenin-tononkalo)
Mpanoratra Razakandraina Jean Verdi Salomon
 
Ry fanahy mitanondrika, ry fanahy mahonena,
Fantatrao fa tsy eto no toerana doria ...
Fa ny aina dia nindramina, ka ho vovoka ny tena !
Kanefa aza very toky, matokia!

Ny malalanao anie, raha lasa, mialoha,
Fa tsy hoe afoy tanteraka: any hihaonanao aminy!
Ny nofo ihany no an'ny tany, hody tany ka ho lo;
Ny fanahy kosa tsy eto fa any an-danitra no taniny …

Tsy ny fahafatesana eto no atao ho fahavoazana ...
Fa ny diso lalam-piainana no ho diso tanindrazana
Tsy hihaona amin'ireo malala efa mialoha.

Mangidy moa ny fisarahana ka tsy maintsy alahelovana!
Ny nofo anefa no afoy fa ho tratram-pahalovana!
Miandrandrà fa aza miondrika amin'ity nofo ho lo!
Voambolana 
Tsanganana sy sary iray takila Ny lohateny rehetra

2017/06/21