Teny iditra tafatoetra (toetra)
Sokajin-teny   matoanteny mpamaritra
Famaritana malagasy   [Rajemisa 1985]
Dikanteny frantsay   qui s'est placé, qui s'est assis [Abinal 1888]
Ohatra   Taona betsaka taoriana izany, nony efa tafatoetra tsara ny fanjaka' ny, dia nihevitra hamely ny tompon-tany izy. [Callet: Tantara, takila 63]

Teny iditra Tafatoetra
Sokajin-teny   anarana (lohatenin-tononkalo)
Mpanoratra   Razakandraina Jean Verdi Salomon
  
Tafatoetra ao am-poko miaraka aminao androany,
Ny hasambara-nokatsahiko hiononako eto an-tany!
Ny hatsaran-tarehy nohiraiko sy ny bika nokatsahiko
Tsy alaiko noho izay hitako aminao navahiko …

Sodokan’eritreritra aho izay elabe izay …
Hetahetan’ny tanteraka, afo mampiolomay
No nandoro ny fisainako! ‘zay nenjehiko kanefa
Moa tsy volavolam-bika tsy haharitra rehefa?

Fa ny hitako aminao dia ny vatosoa miafina;
Perla mamirapiratra, satry foana hotarafina
Fa mampita hazavana mampionona fanahy …

Tia ny endrikao aho, mamkamamy anao tanteraka;
Nefa mbola ambony lavitra, manan-kery haninteraka
Ny fanahy atolotrao hiara-tsambatra amin’ny ahy!
Voambolana  
Tsanganana sy sary iray takila   Ny lohateny rehetra

Nohavaozina tamin' ny 2016/08/24